Një raport i ri nga firma analitike Strategy Analytics pretendon se Android ka shënuar një tjetër rekord në tregun global të telefonë inteligjentë.

Sistemi operativ mobil i Google është pjesë e 87.5 % të telefonëve në mbarë botën me 6% rritje vetëm tre mujorin e fundit dhe 10.3% nga viti në vit.Ndërkaq Apple iOS shënoi një rënie drastike me 5.2%. Terren humbën edhe Windows dhe BlackBerry së bashku me platforma e tjera të vogla. Rënia e tyre ishte në shifrat 84.1% nga viti në vit.

Rezultatet e para të Strategy Analytics bien në kundërshti me ato të IDC-së ku ky I fundit sugjeron një rritje me 1% në shitjeve të telefonëve në mbarë botën. (PCWorld Albanian)

The post Android arrin shifra rekord, përbën 87.5% të shitjeve të telefonëve në mbarë botën appeared first on PCWorld Albanian.

Për sa kohë ishte falas, dhe po shtyhej me agresivisht tek përdoruesit (pa marrë parasysh nëse e donin apo jo) Windows 10 shikoi rritje të fuqishme, duke fituar me shpejtësi pjesë tregu. Megjithatë, që kur u bë një produkt me pagesë, sistemi i ri operativ po vuan.

Në Shtator, NetMarketShare raportoi se Windows 10 nuk tregoi vetëm rritje të vogël, ai filloi të ecte prapa dhe faktikisht humbi pjesë tregu. Dhe situata nuk ishte shumë e mirë për Windows 10 as në Tetor.

NetMarketShare tregon se në Tetor, Windows 10 shkoi nga 22.53% përdorim në 22.59%, një rritje shumë e vogël prej 0.06%.

Microsoft nuk do të jetë i kënaqur me suksesin e Windows 10, dhe është e vështirë të merret me mend se përditësimi i krijuesve i deklaruar së fundmi do të emocionojë shumë përditësues të mundshëm, me fokusin e veçantë në 3D.

Ndërkohë, Windows 7 vazhdon të ketë rritje nga 48.27% në 48.38%, një rritje prej 0.11%.

Windows 8.1 u rrit me 0.57% dhe është tani në 8.40%. Windows 8 u rrit me 0.39% duke i dhënë atij një total prej 2.17%. Së bashku, Windows 8.x tani kanë 10.57%, duke shijuar një rritje totale prej 0.96%.

Windows XP nuk ishte edhe aq mirë në Tetor, dhe ra me 0.84%, duke e vendosur në 8.27%. (PCWorld Albanian)

The post Windows 10-ta humb terren ndaj Windows 7-tës dhe 8/8.1 appeared first on PCWorld Albanian.

Adobe lançoi tre aplikacione të reja të suitës së kreativitetit në platformën Android. Ditën e Mërkure kompania zbuloi aplikacionet Adobe Photoshop Sketch, Fix dhe Comp CC të cilët do ti bashkohen portofolit të kompanisë në Android.

Comp CC është një aplikacion i cili shërben jo vetëm për produktet dixhitale por edhe të printuara. Përmban një sërë shembujsh dizajni në desktop dhe mobile. Ikonat dhe elementët e ndërfaqes janë përshtatur në mënyrën e duhur për ekranet e vogla.

Photoshop Fix është dizenjuar për përmirësimin dhe restaurimin e fotove. Nëpërmjet tij përdoruesit mund të shërojnë, pastrojnë dhe të kryejnë editime e përmirësime të ndryshme.

Sketch, siç edhe emri lë të kuptohet, është i fokusuar kryesisht në ilustrim. Do të gjeni një numër të konsiderueshëm mjetesh vizatimi për të vizatuar mbi imazhet aktuale apo për të ndërtuar një ilustrim nga e para.

Së bashku me aplikacionet e reja Adobe publikoi versionin 3.0 të Illustrator Draw. Përmban penelë të rinj vizatimi dhe më shumë opsione të presionit dhe shpejtësisë së sketçeve. (PCWorld Albanian)

The post Adobe lançoi tre aplikacione të reja në Android, Photoshop Fix, Comp CC dhe Sketch appeared first on PCWorld Albanian.

Microsoft prezantoi ditën e Mërkure një sistem të ri komunikimi për bizneset, Microsoft Teams, duke i hapur rrugë një konkurrence direkte me startupin Slack dhe produktin Workplace të Facebook.

Softueri i ri do të jetë pjesë e shërbimeve Office 365 të Microsoft, një suite e bazuar në cloud me më shumë se 85 milion përdorues aktivë në muaj.

Slack numëron 4 milion përdorues aktivë mujore e në mesin e tyre janë edhe kompani mediatike si CBS Corp dhe Buzzfeed. Ditën e djeshme startupi lançoi një fushatë reklamuese në New York Times për të adresuar lançimin e Microsoft Teams.

“Jemi të emocionuar ndërsa përgatitemi për pak konkurrencë,” shkruante fushata e Slack. Microsoft tha se shërbimi i ri Teams do të jetë i disponueshëm për konsumatorët Office 365 me abonime enterprise dhe biznesi nga dita e Mërkure. (PCWorld Albanian)

The post Microsoft lançoi shërbimin e komunikimit për bizneset, Teams appeared first on PCWorld Albanian.

Google hodhi poshtë të gjitha akuzat e Bashkimit Europian duke i hapur kështu rrugë autoriteteve rregullatore drejt sanksioneve të ashpra për gjigandin e motorit të kërkimit.

Pas gjashtë vitesh hetim, Komisioni Europian akuzoi formalisht gjigandin Amerikan të teknologjisë për praktika të pandershme konkurrence me sistemin operativ Android.

Gjatë muajit Korrik akuzave të Android iu shtuan edhe ato të Adsense. Këshilltari i Përgjithshëm i Google, Kent Walker u shpreh se akuza nuk ka bazë ligjore e as ekonomike dhe se veprimet e kompanisë nuk kanë pasur si synim eleminimin e rivalëve.

“Asnjëherë nuk kemi abuzuar me cilësinë apo rëndësinë e informacionit që kemi ofruar. Përkundër e kemi përmirësuar më tej. Kjo nuk është aspak e drejtë, thjesht kemi dëgjuar konsumatorët tanë,” tha Walker.

Ai tha se Komisioni Europian nuk kishte marrë në konsideratë konkurrencën e Amazon, platformat e-commerce, rrjetet social dhe agjensitë e reklamimit të gjitha shërbime të ofruar nga Facebook apo Pinterest.

Ekzekutivët e Bashkimit Europian e konfirmuan se kishin marrë përgjigjen e Google. “Në secilin prej rasteve Komisioni Europian do të marrë masa e nevojshme vetëm pasi të ketë konsideruar përgjigjen e Google, tha zëdhënësi i Komisionit Rikardo Kardoso.

Google do ta ketë të vështirë të bindë Europën dhe nëse nuk ja arrin saksione të rënda priten. Penaliteti mund të arrijë vlerën e 7.4 miliard dollarëve ose 10% të të ardhura globale vjetor të kompanisë. (PCWorld Albanian)

The post Google hedh poshtë akuzat e Komisionit Europian për konkurrencë të pandershme appeared first on PCWorld Albanian.

Facebook pothuajse trefishoi fitimet në tre mujorin e tretë të 2016-tës duke shtuar dominimin në tregun e reklamimit. Kompania në raportin financiar të tre mujorit të fundit publikuar ditën e Mërkure tha se të ardhurat nga reklamimi i rritën me 59% nga viti në vit.

Fitimet u rritën në 2.38 miliard dollar nga 896 milion që ishin për të njëjtën periudhë vitin e kaluar. Kjo rritje e fitimit vjen në një kohë kur publikuesit po investojnë në reklamim dhe po shkurtojnë vendet e punës.

Por edhe zgjedhjet Presidenciale në SHBA besohet të kenë luajtur rol të rëndësishëm në rritjen e të ardhurave. Reklamimi mobil ishte indikatori kryesor i këtij suksesi.

Telefonët ofruan 84% të reklamave nga 78% vitin e kaluar ose 5,7 miliard dollar brenda 90 ditëve. I gjithë tregu dixhital i reklamave sipas analistëve besohet të kapë vlerën e 67.1 miliard dollar për 2016-tën.

Baza e përdorues të rrjetit social është rritur gjithashtu në 1,79 miliard përdorues aktivë në muaj kur 1,18 miliard qasen të pakten njëherë në ditë. Raporti më i fundit financiar do të thotë frymëmarrje për kompaninë e cila vjen pas një periudhe të vështirë kritikash për mënyrën sesi menaxhon përmbajtjet.

Pasi hoqi editorët “njerëzor” të modulit të trendeve, informacione të rreme pushtuan rrjetin social. Ndërkaq gjatë Shtatori kompania pranoi se kishte abuzuar me shikimevet e videoeve.

Censura ndaj Aftenposten dhe reagimi publik i Kryeministres Norvegjeze për një moment vuri në dyshim rëndësinë e rrjetit social në jetët tona. (PCWorld Albanian)

The post Fitimet e rrjetit social Facebook në shifra rekord, reklamimi arrin majat appeared first on PCWorld Albanian.

Pas muajsh të gjatë testimesh publike, Microsoft zyrtarisht ka lançuar Flow, aplikacionin automatizues dhe rivali më i drejtpërdrejt i IFTTT dhe Zapier.

Shërbimi është i thjeshtë, duke ndërlidhur aplikacione bazuar në cloud mund të përcaktoni një zinxhir veprimesh.

Aktualisht janë 58 aplikacione të mbështetura ku në mesin e tyre janë Basecamp, Facebook, OneDrive, G Suite, Instapaper dhe Wunderlist.

Flow funksionon në Ueb, iOS dhe Android. Sigurisht që nuk është ndërtuar vetëm për individët por edhe bizneset falë kontrollit të gjërë enterprise ku kompanitë mund të shpërndajnë shërbimin madje duke kufizuar veprime nga aplikacione specifike.

Flow është falas për 750 veprime në muaj. Planet tarifore me pagesë fillojnë nga 5 dollar për 4,500 veprime në 15 dollar për 15,000 veprime. Nënshkruani në këtë uebfaqe për të provuar risitë e aplikacionit. (PCworld Albanian)

The post Microsoft rivalizon IFTTT me aplikacionin e ri Flow appeared first on PCWorld Albanian.

UBT-CERT, pas kërkesës drejtuar Agjencisë Evropiane për Rrjet dhe Siguri të Informacioneve (ENISA) ka arritur që ta listojë Republikën e Kosovës në mesin e shteteve të EU-së, të regjistruara në këtë agjenci.

Menaxheri i UBT-CERT, Atdhe Buja, tha se ENISA u jep mundësi shteteve Europiane që të regjistrojnë aktivitetet në kuadër të sigurisë kibernetike kudo në botë në këtë agjenci, përmes regjistrimit online në platformën: https://cybersecuritymonth.eu/new-event.

“Kjo e fuqizon rolin tonë në arenën ndërkombëtare, duke na e njohur edhe vendin dhe duke i njohur automatikisht të gjitha ngjarjet e organizuara nga UBT-CERT”, u shpreh Z Buja.

Nga data 1-31 Tetor zuri vend muaji i sigurisë kibernetike, domethënë muaj i ndërgjegjësimit dhe promovimit të një sigurie të tillë dhe komplekse. Kjo fushatë u organizua nga nga ENISA, një agjensi Europiane me seli në Athinë ku nga 2004 kontribon aktivisht në zhvillimin e kulturës së sigurisë së informacionit online. (PCWorld Albanian/ UBT)

The post UBT CERT e liston Kosovën në Agjencinë Evropiane të Rrjeteve dhe Sigurisë së Informacioneve (ENISA) appeared first on PCWorld Albanian.

Përditësimi i Windows-it duket nganjëherë sikur merr një përjetësi sidomos tashmë me Windows 10-tën i cili e merr nga një çdo ditë. Megjithatë Microsoft ka menduar që këtë proces ta bëjë më të lehtë falë një programi të ri të quajtur “Unified Update Platform.”

Kjo platformë esencialisht do të zvogëlojë madhësinë e përditësimeve. Tani e tutje Windows-i do të shkarkojnë vetëm një porcion të përditësimeve që janë të nevojshme. Kështu Microsoft tha se madhësia e shkarkimit do të bjerë me 35%.

Në të njëjtën kohë Microsoft do të zvogëlojë sasinë e të dhënave dërguar paisjeve kliente. Telefonët dhe tabletët nuk kanë përse të përditësohen disaherë që të marrin funksionalitetet më të fundit sidomos kur jeni disa versione prapa.

Asgjë nuk do të ndryshojë në anën e përdoruesit vetëm se përditësimet do kryhen më shpejt. Ky funksion po testohet tek “Insajderat” dhe do të bëhet i disponueshëm për të gjithë me përditësimin e Krijuesve të Windows 10-tës. (PCWorld Albanian)

The post Përditësimet e Windows 10-tës do të jenë 35% më të vogla appeared first on PCWorld Albanian.

Të qënurit i varuar në jetën tonë personale dhe profesionale nga një smartfon nuk është më një çudi por është një realitet për shumë nga ne. Këto pajisje mbajnë shumë informacione të ndjeshme – informacione që mund të vlejnë shumë për disa njerëz, veçanërisht nëse jeni një ekzekutiv i lartë në një biznes të suksesshëm.

Hulumtuesit nga një grup i sigurisë mobile, i quajtur Skycure, kanë analizuar një aplikacion keqdashës që gjetën në një pajisje Android 6.0.1 në pronësi të një ekzekutivi të një kompani teknologjike botërore.

Emri i paketës keqdashëse është “com.android.protect”, dhe vjen e maskuar si një aplikacion i  Google Play Store Services. Ajo çaktivizon shërbimin SPCM të Samsung në mënyrë që të qëndrojë i aktivizuar dhe instalon veten si një paketë sistemi për të qenë e pamundur që të hiqet nga përdoruesi (nëse mund të marrë hyrje rrënjë), dhe gjithashtu mundet të fshehë veten.

Ato nuk thonë se si aplikacioni keqdashës – një aplikacion spiun komercial i quajtur Exapsy – gjeti rrugën në telefonin e viktimës, por besohet se dikush kishte qasje në paisjen, për të kryer krimin.

Sapo instalohet dhe hapet, aplikacioni kërkon të drejta administratori nga pajisja, kërkon numri i licencës, fsheh vetvehten (prezenca e tij mund të zbulohet duke telefonuar  “11223344”), dhe në fund kërkon që të ketë hyrje në sistem (nëse pajisje e lejon).

Aplikacioni mundet të :

• Mbledhë biseda dhe mesazhe të dërguar me anë të SMS, MMS, dhe aplikacioneve të tjera të njohura (Gmail, FB Messenger, Skype, WhatsApp, etj.)
• Të regjistrojë audio dhe telefonata.
• Të mbledhë fotot dhe ti bëjë foto ekranit.
• Të mbledhë kontaktet, historinë e shfletuesit, përmbajtjet në kalendar, dhe shërbime të tjera.

Informacioni i vjedhur pastaj dërgohet në një server të jashtëm të operuar nga sulmuesi.

Ky aplikacioni është i gatshëm për tu blerë nga çdokush për $15-$30 në muaj, për pajisje.  Dëmi i mundshëm që mund të shkaktohet, veçanërisht për bizneset, është i madh. (PCWorld Albanian)

The post Një spyware me emrin Exapsy në Android shënjestron ekzekutivët e kompanive appeared first on PCWorld Albanian.

Pas mëse një dekade kontribut në rishpikjen e rezymesë profesionale dhe mënyrës së funksionimit të rrjeteve sociale, Linkedin ka zbuluar një shërbim të ri të quajtur Linkedin Salary.

Për njerëzit të cilët po kërkojnë një punë apo mundësi të re, Linkedin është opsioni i parë që u vjen në mendje shumë individëve. E ndërsa çdo gjë shkon për mrekulli nga ana juaj, pyetja që shtrohet është sa mund të fitoj me vendin e ri të punës?

Ky lloj informacioni ka qenë hallka e dobët e rrjetit social profesional dhe Linkedin Salary kërkon që ta zgjidhë këtë problem.

Duhet të paguani “diçka” nëse doni të keni qasje në më shumë se një faqe. Për këtë duhet të jepni informacion rreth pagës suaj anonimisht ku do të përfitoni 1 vit falas.

Informacionet e pagesave mund ti shikoni bazuar në titullin dhe vendodhjen. Madje mund të filtroni informacionet sipas industrisë dhe viteve të eksperiencës.

Linkedin thotë se informacionet e saj janë më të saktat krahasuar me Glassdoor, Indeed dhe shërbime të ngjashme. (PCWorld Albanian)

The post Linkedin sfidon Glassdoor me shërbimin e ri Salary appeared first on PCWorld Albanian.

Shfletuesit e Microsoft humbën edhe 40 milion përdorues të tjetër muajin e kaluar raportoi firma analitike Net Applications duke e çuar në afro 350 milion numrin e të larguarve gjatë 2016-tës.

Net Applications tha se Internet Explorer së bashku me Microsoft Edge zotërojnë 28.4% të tregut ku vetëm muajin e fundit kanë humbur 2.3%, rënia e dytë më e madhe në historinë e shfletuesve të kompanisë.

Por ishte Mozilla dhe jo Google që përfitoi nga një rënie duke u rritur me 2% në 11.1 %. Gjatë 2016-tës Internet Explorer ka rënë me 20.2% një rënie e cila nuk shfaq shenja dobësimi.

Pavarësisht se dezertuesit e Microsoft zakonisht kanë zgjedhur Google Chrome, ritmi i këtij të fundit është ngadalësuar dy muajt e fundit. Chrome u rrit me vetëm 0.2% dhe posedon 55% të gjithë shfletuesve. (PCWorld Albanian)

The post Eksod masiv nga shfletuesit e Microsoft, 40 milion përdorues të humbur vetëm gjatë Tetorit appeared first on PCWorld Albanian.

Qasja në rrjetin social Twitter dhe në platformën e komunikimit WhatsApp u bllokua ditën e Premte tha një grup monitorimi nxitur nga arrestimet e 11 ligjvënësve prokurd kryesisht në zonat e banuara nga Kurdët në Juglindje të Turqisë.

Bllokimi u realizua me anë të kufizimit të trafikut tha një ekspert monitorimi i grupit Turkey Block, një metodë kjo e përdorur gjerësisht për ngadalësuar disa uebsajt deri në atë pikë sa të jenë të papërdoreshme.

Kjo lëvizje erdhi pothuase 1 muaj nga bllokimi i qasjes në Google Drive, OneDrive dhe Dropbox gjatë Tetorit kur u publikuan një listë e-mail-esh të Ministrit të Energjisë.

Turqia ka një histori të gjatë marrëdhëniesh të acarta me rrjetet sociale veçanërisht Twitter, një marrëdhënie e cila u ftoh që nga 30 Marsi i 2014-tës gjatë zgjedhjeve që po zhvilloheshin në këtë vend. (PCWorld Albanian)

The post Bllokohet qasja në Twitter dhe WhatsApp në Turqi appeared first on PCWorld Albanian.

Një nga problemet kryesore të rrjetit social është mungesa e një mjeti të mirëfilltë kërkimi. Është pothuajse e pamundur të gjeni një përmbajtje, artikull apo video të publikuar disa ditë më parë.

Por ju mund ti shpëtoni këtij “tmerri.” Dy vite më parë Facebook publikoi një buton “Save” mëpërmjet të cilit mund të ruani çdo përmbajtje që shikoni rishtaz për ta lexuar më vonë.

Këtë buton mund ta përdorni për të krijuar një listë përmbajtjesh, një koleksion videosh gazmore apo thjesht një bllok shënimesh.

Ky funksionalitet pritet të përmirësohet akoma më tutje sepse rrjeti social prezantoi këtë buton edhe për uebsajtet.

Ndërsa shfletoni në furnizuesin e lajmeve në Facebook dhe vështroni një përmbajtje që e pëlqeni në pamje të parë atëherë duke klikuar butonin në formën e një shigjete me kokë poshtë lokalizuar në cepin e djathtë lart, në mesin e shumë opsioneve është një opsion i tillë: “Save Video,” “Save Post,” ose “Save Link.”

Sapo të keni klikuar opsionin një baner i vogël konfirmues do të shfaqet i cili ju lajmëron se përmbajtja është ruajtur.

Kurdoherë që dëshironi të shikoni përmbajtjet e ruajtur ose navigon në faqen facebook.com/saved ose klikonin butonin Saved në panelin e majtë të navigimit. (PCWorld Albanian)

The post Ja sesi të ruani përmbajtjet në rrjetin social Facebook appeared first on PCWorld Albanian.

Gjermania do të prezantojë trenin e parë për pasagjerë në botë pa emetim, i cili do të fuqizohet nga hidrogjeni. Coradia iLint emeton vetëm avull të tepërt në atmosferë, dhe ofron një alternativë për 4,000 trenat me naftë të vendit.

Lower Saxony tashmë ka porositur 14 trena të tillë nga kompania franceze Alstom, dhe me shumë siguri do të shikohen përreth shtetit nëse ato gjykohen si një sukses, raporton Die Welt.

Testimet do të fillojnë në fund të këtij viti, para se të hapen për publikun në dhjetor, 2017.

Treni u prezantua në fillim në paraqitjen InnoTrans në Berlin, në gusht, dhe do të jetë treni i parë me hidrogjen që do të transportojë, me distanca të mëdha, rregullisht njerëz. Gjithashtu, ka interes për trenin nga Holanda, Danimarka dhe Norvegjia.

iLink fuqizohet nga bateri të mëdha ion, dhe këto e marrin energjinë e tyre nga një rezervuar karburanti hidrogjeni në çati të trenit. Ky tren mund të udhëtojë 500 milje në ditë me shpejtësi deri në 87mph, dhe e vetmja zhurmë që bën janë rrotat dhe rezistenca e ajrit.

Fuqia me hidrogjen punon kur hidrogjeni digjet me oksigjen për të prodhuar sasi të mëdha energjie, me nën produktin e vetëm që është uji. Nasa ka përdorur hidrogjenin për të shtyrë raketat e tyre në hapësirë që nga 1970. Reja e madhe që krijohet kur raketa niset, nuk është tym , por avull. (PCWorld Albanian)

The post Gjermania prodhon trenin e parë me zero emëtime në atmosferë appeared first on PCWorld Albanian.

Një sulm kibernetik i paprecedent nxori terërisht offline internetin në shtetin afrikan të Liberisë ku hakerat shfrytëzuan të njëjtën metodë e cila nxori jashtë funksioni qindra uebfaqe muajin e kaluar.

Sulmi rrit frikën se kriminelët po praktikojnë metoda të sabotimit të internetit në SHBA kur vendi tu drejtohet kutive të votimit më 8 Nëntor. Sulma të shumta ndërmarrë gjatë javës kanë nxjerrur offline pjesën më të madhe të uebsajteve në Liberi.

Edhe pse nuk ka informacion për ata që fshihen pas sulmit, ekspertët thanë se metoda ishte po aq e thjeshtë dhe erdhi po nga i njëjti burim që sulmoi SHBA-të.

Sulmi u realizua me një armë kibernetike, botnetin Mirai, një rrjet paisjesh të ndërlidhura që dërgojnë trafik të shumtë ndaj një objektivi duke e nxjerrur offline.

Është e njëjta mënyrë sesi uebfaqet e biletave përfundojnë offline prej trafikut të lartë. Sulmi ndaj internetit të Liberisë është i pari në histori i cili rrëzon rrjetin e një vendi të tërë. (PCWorld Albanian)

The post Një sulm kibernetik i paprecedent rrëzon internetin e Liberisë appeared first on PCWorld Albanian.

Media Franceze raportoi ditën e Premte se një 18 vjeçar nga qyteti Dijon i Francës është arrestuar nën akuzat e “promovimit” të terrorizmit. Ai do të përballet me 3 muaj burgim sepse emri i rrjetit të tij të Wi-Fi ishte “Daesh 21.”

Daesh përfaqëson në gjuhën Arabe Shtetin Islamik dhe 21 është numri i departamentit Cote d’Or ku ndodhet edhe qyteti i Dijonit.

Djaloshi u arrestua nën ligjin e ri të Anti-Terrorizmit në Francë i hyrë në fuqi në Nëntor të 2014-tës i cili konsideron krim çdo akt i cili nxit dhe promovon terrorizmin. Të arrestuarit rrezikojnë deri në 5 vite burgim ose një gjobë me vlerë 83,000 dollar.

Gazeta lokale Le Bien, tha se djaloshi ishte i shokuar duke thënë vazhdimisht se nuk ishte një terrorist. Atij iu dha një dënim prej 100 orësh punë komunitare të cilin e refuzoi çka çoi në dënimin e tij me 3 muaj burgim. (PCWorld Albanian)

The post Vendos emërtimin e Wi-Fi “Daesh 21”, 18 vjeçari përballet me 3 muaj burgim appeared first on PCWorld Albanian.

Mini kompjuteri më i ri i Zotac vjen për të përmbushur endërrat e shumë entuziatësve të realitetit virtual. Magnus ERX480 ka një kartë grafike AMD Radeon RX 480 të arkitekturës Polaris.

Është i disponueshëm në tre modele: barebones, Plus dhe Windows 10. Versioni barebones ka një procesor Intel Skylake Core i5-6400T me frekuencë 2.2 Ghz dhe Radeon RX 480 por nuk ka RAM, memorje të brendshme dhe sistem operativ.

Magnus ERX480 ofron dy porta memorje DDR4 me kapacitet 32GB dhe një portë SATA 3.0 për hardisqet 2.5 inç dhe një portë për disqet solide M.2 SATA.

Versioni Plus krahasuar procesorit dhe kartës grafike ka 8GB RAM DDR4 dhe 1TB hardisk 2.5 inç, dhe një 120GB disk solid. Ndërsa versioni Windows 10 është versioni Plus por me Windows 10 64Bit të instaluar.

Që të tre modelet kanë dy porta USB 2.0, dy porta USB 3.0, një portë USB 3.1 Tipi-A, dhe një USB 3.1 Tipi C. Magnus ERX480 mund të fuqizojë deri në katër ekrane në të njëjtën kohë falë dy portave HDMI 2.0 dhe dy portave të ekranit të versionit 1.3.

ERX480 përfshin Wi-Fi 802.11ac/b/g/n, Wi-Fi, Bluetooth 4.2 dhe një portë SD/SDHC/SDXC. (PCWorld Albanian)

The post Magnus ERX480, mini kompjuteri i ri i Zotac “Gati për Realitetin Virtual” appeared first on PCWorld Albanian.

Ekspertët e iFixit shtënë në duar një prej modeleve të reja të laptopëve të Apple javën e kaluar – modelin me butonat funksionalë në vend të panelit me prekje Touch Bar – dhe nuk ngurruan ta “copëtonin” për të mësuar çfarë ka brenda.

Laptopi hapet me lehtësisë dhe disa komponentë do të jenë lehtësisht të menaxhueshëm edhe nga përdoruesit si bateria dhe disku solid.

Bokset janë paisur me mbulesë prej gomë në mënyrë që ti mbrojnë nga dridhjet fenomen i cili ka qenë edhe shqetësimi kryesor i Apple sepse bokset janë më të mëdha dhe më të fuqishëm në modelet e reja MacBook Pro.

Laptopi është i siguruar nga disa vida po nuk mungojnë as kapëset. Sa i përket riparimit iFix i jep MacBook Pro një notë 2 nga 10, një rezultat më i mirë se modeli i kaluar i cili mori notën 1.

Konkretisht TrackPadi mund të zëvendësohet në rast problemi. E njëjta vlen edhe për baterinë e diskun solid ndërsa çdo gjë tjetër është e ngjitur në bordin kryesor. (PCWorld Albanian)

The post Modelet e reja MacBook Pro janë tejet të vështirë për tu riparuar appeared first on PCWorld Albanian.

Google zbuloi se gjysma e faqeve të aksesuara në Chrome tashmë mbrohen nga protokolli i sigurtë HTTPS.

Që nga 2015-ta, gjigandi i internetit ka gjurmuar përdorimin e protokollit HTTPS në shfletuesin Chrome të dhëna të cilat janë përfshirë në raportin e transparencës.

Rezultatet tregojnë se HTTPS sundon në Windows, Chrome OS, Linux dhe Mac ndërsa në platformat mobile ngelet akoma larg me vetëm 40% të faqeve.

Për fillestarët, HTTPS është një protokoll sigurie i cili është përdorur tradicionalisht nga bankat i cili nëpërmjet enkriptimit shton një nivel të ri sigurie krahasuar me HTTP.

Esencialisht qëllimi kryesor është të siguruar të privatësisë së informacionit mes përdoruesit dhe serverit. Kompani të tjera të cilat kanë adoptuar këtë nivel sigurie janë Twitter, Wikipedia dhe Microsoft Bing. (PCWorld Albanian)

The post 50% e faqeve të hapura me Google Chrome realizohen mbi protokollin HTTPS appeared first on PCWorld Albanian.