Pas plot 3 muajsh nga zyrtarizimi i planeve për blerjen e rivalit AVG për 1.3 miliard dollar, Avast zbuloi se marrëveshja është përfunduar. Duke filluar nga data 3 Tetor dyshja do të funksionojë si një entitet i vetëm.

Shefi i Avast, Vince Steckler, do të drejtojë kompaninë dhe të ardhurat e saj prej 700 milion dollarësh. Dy kompanitë së bashku numërojnë 400 milion përdorues në mbarë botën që i bie të jetë 40% e konsumatorëve.

Origjina e të dy kompanive fillon nga Ceko-Sllovakia në vitet 1980-1990. Gradualisht ata u rritën për tu bërë lojtarë madhor në tregun e sigurisë kompjuterike dhe së fundi edhe në platformat mobile.

Transaksioni ka marrë dritën jeshile nga bordet e të dy kompanive. Avast tani zotëron 87.3% të aksioneve të AVG. (PCWorld Albanian)

The post Avast finalizon blerjen e AVG, një entitet i vetëm nga data 3 Tetor appeared first on PCWorld Albanian.

Më në fund nuk do të ketë asnjë pengesë në përdorimin e rrjetit social Facebook gjatë punës. Dhe nuk po flasim për publikimin e fotove personale por për komunikimin me ekipin dhe kolegët tuaj të punës.

Pas vitesh eksperimente me shërbime dedikuar sipërmarrjeve, Facebook do të lançojë zyrtarisht Facebook at Work më 10 Tetor. Kompania ka dërguar ftesat për evenimentin që do të mbahet në Londër.

Përpjekja më e fundit në sektorin e sipërmarrjeve e cila do të jetë e disponueshme jo vetëm në desktop por edhe platformat mobile filloi të merrte jetë që nga Janari i 2015-tës. Shërbimi është ndërtuar për të ndihmuar kolegët në ndarjen e informacionit ashtu siç bëjnë me miqtë dhe familjen e tyre në Facebook.

Ky lajmërim vjen pas një raporti të fundit nga The information ku thoshte se së shpejti rrjeti social do të lançonte Facebook at Work. (PCWorld Albanian)

The post Rrjeti social për bizneset Facebook at Work debuton më 10 Tetor appeared first on PCWorld Albanian.

Linkedin nuk është rrjeti i vetëm social që ju ndihmon në përparoni në karrierën tuaj dhe nëse nuk shikoni ndonjë dobi nga ai ekziston një mënyrë për tu larguar përgjithnjë.

Teknikisht Linkedin nuk i lejon përdoruesit të çaktivizojnë llogaritë e tyre. Por ajo që mund të bëni është të fshehni llogarinë nga rezultatet e motorit të kërkimit.

Navigoni në Privacy and Settings > Manage > Edit your public profile dhe përzgjidhni opsionin Make my profile visible to no one.

Do të duhen disa javë përpara se profili juaj të “zhduket” nga rezultatet e motorit të kërkimit. Megjithatë ju do të keni mundësi të qaseni vazhdimisht në llogarinë tuaj.

Për ta mbyllur terësisht llogarinë Linkedin vizitoni faqen e mbylljes duke naviguar Privacy and Settings > Manage > Account > Closing Your Account dhe klikoni Change. Do tu kërkohet një arsye për mbylljen dhe pasi të keni vendosur fjalëkalimin përfundon e gjitha.

Në momentin që mbyllni llogarinë do të humbisni të gjitha lidhjet, rekomandimet, informacionin e profilit dhe kualifikimet. Nëse ndërroni mendje keni 20 ditë afat për të rikthyer llogarinë përpara se të humbasë përgjithnjë. (PCWorld Albanian)

The post Ja sesi të mbyllni llogarinë tuaj në Linkedin appeared first on PCWorld Albanian.

A Google search page is seen through a magnifying glass in this photo illustration taken in Berlin, August 11, 2015. REUTERS/Pawel Kopczynski/Files

Google duhet të ndalojë dhënien e stimujve financiar ndaj prodhuesve të telefonëve në mënyrë që të instalojnë aplikacionet e kompanisë në paisjet e tyre ose të ballafaqohet me një saksion të ashpër nga Autoritetet Europiane raportoi agjensia e lajmeve Reuters.

Në një dokument me mbi 150 faqe dërguar Google gjatë muajit Prill, Komisioni Europian akuzon gjigandin e motorit të kërkimit për abuzim me pozitat dominuese të Android.

Komisioni Europian i sheh të papërshtashme praktikat e Google të pagesave ose uljeve të çmimeve për prodhuesit e telefonëve në mënyrë që të instalojnë Google Play Store dhe Google Search.

Autoritetet gjithashtu synojnë ti japin fund detyrimit të prodhuesve të telefonëve që të instalojnë aplikacionet e Google nëse kjo cënon parimet e konkurrencës për platformën Android.

Google nuk “mund të ndëshkojë e as kërcënojë” kompanitë të cilat nuk i përmbahen kushteve të saj shkruhej në një prej faqeve të dokumentit. Google rrezikon një gjobë marramendëse për praktika jo konkurrese të cilat besohet se kanë filluar që nga 2011-ta e vijojnë akoma edhe sot.

Këto praktika shkojnë përtej sistemit operativ Android, tek motori i kërkimit madje edhe platforma e reklamave Google Adsense. Në disa raste Google është akuzuar përsëri nga Komisioni Europian për favorizim të shërbimit të saj të shitjeve në kurriz të rivalëve. (PCWorld Albanian)

The post BE-ja kërkon nga Google ndalimin e praktikave jo konkurruese, kërcënon me sanksione të ashpra appeared first on PCWorld Albanian.

BlackBerry do të ndalojë prodhimin e telefonëve inteligjentë, u shpreh shefi ekzekutiv i kompanisë John Chen javën e kaluar. Në 2016-tën njësitë e shitura ishin vetëm 4 milion.

Por në 2011-tën telefonët BlackBerry lulëzonin me 50 milion njësi të shitura. Një nga arsyet kryesore të rënies ishte braktisja e tastiera fizike tradicionale që dallonin një telefon BlackBerry nga të tjerët.

Në të njëjtën kohë kompania dështoi në ballafaqimin me kërcënimet serioze që ishin Apple iPhone dhe telefonët Android. Grafiku i paraqitur e shpjegon mësë miri sesi vijuan ngjarjet. (PCWorld Albanian)

The post Ngritja dhe rënia e BlackBerry appeared first on PCWorld Albanian.

Windows 10-ta ofron informacion të bollshëm rreth gjendjes së baterisë dhe nëse vendosni kursorin mbi ikonën e saj do të merrni pëqindjen e saj. Ky sistem është shumë i mirë por mund bëhet edhe më mirë.

Një aplikacion falas na vjen në ndihmë në këtë moment dhe quhet BatteryBar. Është i vogël, i lehtë për tu përdorur dhe ofron infomacion më shumë sesa vetë Windows 10-ta. Për më tepër përqindja e baterisë do të jetë gjithnjë aty në taskbar.

Për ta vënë në funksion ndiqni këto hapa:

1. Shkarkoni versionin falas
2. Instalojeni duke klikuar mbi butonat “Next” që u shfaqen

Kjo është e gjitha. Nëse klikoni mbi ikonën e baterisë do të shfaqë kohën e ngelur në vend të përqindjes së baterisë. Nëse klikoni përsëri procedura do të jetë e anasjellta. (PCWorld Albanian)

The post Ja sesi të shfaqni përqindjen e baterisë në taskbar appeared first on PCWorld Albanian.

Përgatituni për shfaqjen e Google. Kompania jo vetëm që do të zbulojë një çift telefonësh inteligjent gjatë evenimentit të 4 Tetorit në San Francisco, por Google thuhet se ka përgatitur shumë supriza për adhuruesit e saj.

Mbrëmjen e të Hënës së kaluar Google i dërgoi shtypit ftesat e evernimentit shoqëruar nga një cicërimë. Nga imazh i publikuar mësojmë se kemi të bëjmë me një telefon.

Lidhja URL, madeby.google.com na tregon se ky nuk do të jetë thjesht një tjetër Nexus por një telefon inteligjent mbi të cilin Google ka më shumë kontroll se asnjëherë më parë.

Lamtumirë Nexus, Tungjatjeta Pixel

Pas spekulimesh të panumërta, jemi të bindur se Google do të prezantojë dy telefonë inteligjent të rinj, Pixel dhe Pixel XL. Android Police ka arritur të kapë imazhe të dy telefonëve: 5 inç dhe 5.5 inç ndërtuar nga HTC.

Vitin e kaluar Google shpenzoi kohë në skenë duke foluar për aftësitë e kamerës së Nexus 6P në dritë të pakët. Këtë vit prisni më shumë.

Google Home

Pamjet e para të Google Home erdhën me konferencën e zhvilluesve I/O në muajin Maj. Ngjan me një version të Amazon Echo me asistentin e Google. Besojmë se dita e nesërme është momentin i duhur për të zbuluar çmimin, disponueshmërinë, harduerin dhe atë që mund të bëjë.

Një tablet i ri

Një spekulim i fundit nga Evan Blass zbulon se një tablet i ri ndërtuar nga Huawei cili bart markën e Google po vjen së shpejti. Tableti 7 inç nuk dihet nëse do të ketë markën Pixel. Tregu ka me të vërtetë nevojë për një tablet 7 inç me versionin stok të Android.

Google Wi-Fi

Router OnHub i Google nuk është fjala e fundit e kompanisë në këtë sektor. Raportohet se Google do të lançojë një produkt të ri quajtur Google Wi-Fi e cili do të shërbejë si një router tradicional shtëpie.

Çfarë do të ofrojë ky router më shumë se të tjerët? Jemi të bindur se Google e ka një “AS” nën mëngë.

Andromeda

Ideja e shkrirjes së Chrome dhe Android në një sistem të vetëm operativ qarkullon që nga viti i kaluar kur Wall Street Journal publikoi një raport në Tetor të 2015-tës. Andromeda është emri i koduar i projektit dhe besohet se Google do ofrojë detajet e para gjatë evenimentit të ditës së nesërme.

Një tjetër raport i Android Police thotë se Google do të lançojë paisjen e parë me Andromeda në tre mujorin e fundit të 2017-tës. (PCWorld Albanian)

The post Cilat janë pritshmëritë e evenimentit të Google më 4 Tetor appeared first on PCWorld Albanian.

Facebook po mbush hendeqet e perandorisë së aplikacioneve të komunikimit dhe për të përmbushur këtë objektiv kompania prezantoi një aplikacion të ri të Messenger në Android.

Quhet Messenger Lite dhe është ndërtuar jo vetëm për telefonët Android me resurse të pakta harduerike por edhe për rrjetet e ngadalëta. Ideja është se jo të gjithë kanë shansin të përfitojnë nga harduerë të rangut të lartë dhe internet super të shpejtë.

Messenger Lite kërkon të jetë aplikacionin parësor i komunikimit në vendet në zhvillim. Vitin e kaluar Facebook lançoi një iniciativë të ngjashme me aplikacionin e rrjetit social.

Ofronte funksionalitete bazike dhe fotot e paraqitura nuk kalonin madhësinë e 1MB. Facebook tha se aplikacioni Facebook Lite numëronte 100 milion përdorues aktivë në muaj.

Versioni i ri i Messenger është vetëm 10MB dhe ofron mbështetje për funksionalitet kyçe si komunikim, dërgim të fotove, lidhjeve dhe “Sticker-ave.” Aplikacioni do të ofrohet fillimisht në vende si Kenia, Tunizia, Malajzia, Sri Lanka dhe Venezuela, listë e cila do të pasurohet me më shumë shtete në ditët në vijim. (PCWorld Albanian)

The post Facebook lançoi aplikacionin Messenger Lite për përdoruesit në vendet në zhvillim appeared first on PCWorld Albanian.

Javën e kaluar faqja e sigurisë online KrebsOnSecurity doli offline për mëse 24 orë pas një sulmi rekord DDoS prej 620 gigabitësh në sekond.

Ky trafik mendohet të jetë gjeneruar nga routera, kamera sigurie dhe paisje të tjera të internetit të gjërave dhe janë të njëjtit ata që orkestruan një sulm DDoS ndaj një firme franceze të hostimit i cili besohet të jetë më i madhi në histori.

Sulmi u raportua më 19 Shtator dhe i pari kishte një trafik prej 1.1 Terabit në sekond ndjekur nga një i dytë prej 901 gigabit në sekond.

CTO i kompanisë së prekur, Octave Klaba i OVH, tha se botneti përbëhej nga një koleksion kamerash dhe video regjistruesish të hakuar. Secili prej tyre kishte kapacitetet të bombardonte mes 1 Mbps deri në 30 Mbps trafik.

Të hënën Klaba raportoi se më shumë se 6,800 kamera sigurie iu bashkuan botnetit dhe sulmet DDoS varionin nga 100 gigabit në sekond në 800 gigabit në sekond. Më shumë se 145 mijë paisje kishin qenë pjesë e sulmit.

Përpara këtyre sulmeve, Akamai Technologies kishte raportuar sulmin më të madh DDoS prej 363 gigabit në sekond gjatë Qershorit. Ekspertët e sigurisë prej vitesh kanë paralajmëruar efektet negative të Interneti i Gjërave.

Në 2015-tën një sulm i ngjashëm DDoS kishte thyer rrjetin e PlayStation dhe Microsoft Xbox Live. (PCWorld Albanian)

The post Megasulm DDoS, 145 mijë kamera sigurie rrëzojnë një kompani franceze hostimi me 1.1 Tbps trafik appeared first on PCWorld Albanian.

Telefonët Pixel të Google që pritet të kenë shfaqjen e tyre ditën e nesërme gjatë një evenimentit zyrtar janë zbuluar sot nga nga një distributori Carphone Warehouse në një përmbajtje promocionale.

Produktet e reja shënojnë një hap të rëndësishëm për zhvilluesin e Android duke e vendosur gjigandin e motorit të kërkimit në sfidë direkte me Apple dhe iPhone e saj. Dy kompanitë tashmë zotërojnë potencialin e të zhvilluarit të harduerit dhe softuerit në të njëjtën kohë.

Prodhuesit e tjerë të shquar si Samsung, shfrytëzojnë Android-in por nuk zhvillojnë softuerë vetëm e modifikojnë duke qenë terësisht të varur nga Google. Për telefonët inteligjentë Google ka përdorur markën Nexus dhe prodhoheshin nga Huawei, LG dhe HTC.

Marka Pixel do të përfaqësojë një produkt terësisht të Google ashtu siç ka ndodhur me laptoin Chromebook Pixel dhe tabletin Pixel C.  Dy telefonët do të fuqizohen nga procesori Snapdragon 821 me frekuencë 2.15 Ghz, 4GB RAM dhe 32 ose 128 GB memorje të brendshme.

Ekranet 1080p të Pixel X dhe 1440p të Pixel XL do të mbulohen nga një xham Gorilla Glass 4. Kapaciteti i baterisë së Pixel X do të jetë 2700 mAh ndërsa i Pixel XL 3450 mAh. Sipas listimit të Carphone telefonët do të karakterizohen nga kamera 12 megapiksel e pasme dhe 8 megapiksel frontale me stabilizim optik.

Së fundi mbase edhe detaji më interesant është asistenti dixhital, Google Assitant i cili debutoi me aplikacionin Allo. Me lançimin e Android Nougat 7.1 po ditën e nesërme, asistenti dixhital do të jetë pjesë integrale e telefonëve të rinj Pixel citon distributori. (PCWorld Albanian)

The post Google Pixel zbulohet në një imazh promocional pak orë përpara zyrtarizimit appeared first on PCWorld Albanian.

Një maluer Android po përhapet me shpejtësi në dyqanin aplikacioneve Google Play Store dhe jo vetëm, duke vjedhur informacione të ndjeshme nga rrjete korporatash.

DressCode, një familje maluerësh Android, qarkullon në të paktën 3,000 aplikacione tha firma e sigurisë Trend Micro. Ky maluer fshihet në aplikacionet e lojërave, temat Android dhe aplikacionet e përmirësimit të performancës.

Është jashzakonisht i vështirë për tu gjurmuar sepse kodi i dëmshëm përfaqëson vetëm një pjesë të vogël të kodit të aplikacionit. Në Google Play, Trend Micro zbuloi më shumë se 400 aplikacione pjesë e familjes së DressCode.

Trend Micro vijoi duke thënë se këto aplikacione janë instaluar 100,000 deri në 500,000 herë. Malueri mund të shndërrojë paisjet e infektuara në një botnet prej të cilit mund të burojnë sulme DDoS.

DressCode aktualisht ka infektuar paisje të shumta në SHBA, Francë, Izrael dhe Ukrainë. Aktualisht produkti i sigurisë së Trend Micro është i aftë ta gjurmojë dhe heqë maluerin. (PCWorld Albanian)

The post Një maluer Android ka infektuar mbi 400 aplikacione në Google Play Store appeared first on PCWorld Albanian.

Facebook është i vendosur “ta rrënojë” dhe ka huazuar një tjetër funksionalitet nga konkurrenti i tij Snapchat. Pas debutimin të “Historive” në Instagram në gjatë muajit Gusht, rrjeti social ka vendosur ta huazojë edhe në aplikacionin e komunikimit Messenger.

I quajtur Messenger Day, funksionaliteti i ri do të tregojë histori dhe ngjarje nga miqtë tuaj në Facebook në krye të ndërfaqes së aplikacionit Messenger, njëlloj si në Instagram.

Historitë e publikuara të Messenger Day do të skadojnë pas 24 orësh. Përdoruesit do të kenë qasje në mjete vizatimit, filtra dhe stickers-a, ngjashëm me Snapchat dhe Instagram.

Duke folur për TechCrunch, një zëdhënës i Facebook tha, “Ne e dimë se njerëzit hyjnë në Messenger për të shpërndarë momentet e çdo dite me shokët dhe familjen.”
Veçoria e re është e disponueshme vetëm në Poloni dhe është në një fazë eksperimentale. (PCWorld Albanian)

The post Facebook nuk ndalet së kopjuari Snapchat, adopton historitë në aplikacionin Messenger appeared first on PCWorld Albanian.

Rrjeti social Facebook lançoi të ashtuquajturin “Marketplace” duke u dhënë mundësi përdoruesve të blejnë dhe shesin gjëra lokalisht ndërsa përpiqet të gjejë forma të reja angazhimi.

Veçoria e cila do të shfaqet në formën e një butoni në fund të aplikacionit Facebook ofron për përdoruesit një listë sendesh në shitje afër vendbanimit të tyre. Rrjeti social tha se nuk angazhohet me çështjen e pagesave dhe dërgesave e as nuk do të tarifojë transakionet.

Shërbimi i ri do të jetë i disponueshëm në SHBA, Britani, Australi dhe Zelandën e Re për përdoruesit e iPhone dhe telefonëve Android. Rrjeti social tha se shërbimi do të ofrohet së shpejti edhe në platformat desktop.

Më shumë se 450 milion njerëz vizitojnë çdo muaj grupet e Facebook për të blerë dhe shitur sende. Vitin e kaluar kompania kishte thënë se po testonte disa mjete për tu ardhur në ndihmë përdoruesve në shitblerje. (PCWorld Albanian)

The post Facebook lançon shitblerjen në aplikacionet Android dhe iOS, së shpejti edhe në desktop appeared first on PCWorld Albanian.

Gjigandit të motorit të kërkimit në pronësi të Alphabet, Google, i është dhënë një tjetër afat i cili përbën shtyrjen e katërt me radhë, në përgjigje ndaj akuzave të Komisionit Europian për shfrytëzim të pozitave dominuese të Android.

Komisioni gjatë muajit Prill tha se kërkesa e gjigandit Amerikan të teknologjisë për prodhuesit e telefonëve Android që të instalojnë Google Search dhe Chrome nëse duan dyqanin e aplikacioneve Play Store, dëmton konkurrencën dhe konsumatorët.

Afati i parë ishte data 27 Korrik dhe pas tre shtyrjesh u caktua data 20 Shtator. Tani afati i ri është data 31 Tetor për Android-in dhe 26 e 13 Tetor për reklamimin dhe sistemin e blerjeve respektivisht.

Në secilin prej rasteve Google ka kërkuar kohë për të analizuar dokumentet e çështjes. Komisioni Europian kishte analizuar arsyet duke pranuar kërkesën e Google për një tjetër shtyrje.

Nëse Google shpallet fajtor për çështjen Android, kompania rrezikon një gjobë 7.4 miliard dollarëshe. (PCWorld Albanian)

The post Shtyhet përsëri afati i përgjigjes së Google nga akuzave të Komisionit Europian appeared first on PCWorld Albanian.

Telegram, aplikacion i komunikimit të enkriptuar ndërtuar me mendjen tek privatësia, dita ditës po shndërrohet në një univers argëtimi. Pasi solli maksa kartoni për selfiet tashmë po shton një “armë” të re, lojërat.

Platforma e re e lojërave është e disponueshme që nga dita e sotme në Android dhe fuqizohet nga robotët, që do të thotë se përdoruesit mund të luajnë vetëm duke komunikuar me një robot.

Fillimisht do të jenë 30 lojëra të disponueshme, të gjitha falas. Zhvilluar nga Gamee, përdoruesit në mënyrë që të ketë qasje duhet të komunikojë me robotin në fjalë dhe të përzgjedhin një lojë.

Lojërat janë bazuar në HTML5 dhe shumica prej tyre janë pasazhe. Në të njëjtën kohë Telegram ftoi zhvilluesit të ndërtojnë lojëra për platformën e saj duke thënë se duhen vetëm pak orë që të zhvillohet një i tillë.

Por lëvizja e fundit nuk do të thotë se Telegram do të harrojë misionin: Privatësinë dhe sigurinë në favor të argëtimit. Shefi dhe themeluesi i Telegram tha se po përpiqeshin të ruanin një balancë mes veçorive të reja të sigurisë dhe argëtimit. (PCWorld Albanian)

The post Telegram sfidon Facebook, lançon një platformë lojërash në aplikacionin Android appeared first on PCWorld Albanian.

Nëse i keni kushtuar vëmendjen historisë së markës së telefonëve Nokia që nga blerja nga Microsoft atëherë ma patjetër duhet ta dini rrjedhjen e ngjarjeve. E nëse nuk e dini, u themi se pas dy vitesh mungesë telefonët Nokia, ndërtuar nga Nokia, po rikthehen.

Gjigandi finlandez po përgatitet të ngjitet në skenën kur njëherë e një kohë e dominonte me 3 ose 4 paisje Android brenda këtij viti. Gjatë muajit Prill Nokia liçensoi tek HMD të drejtën për të prodhuar telefonë me markën e kompanisë së shquar finlandeze.

Një foto e marrë nga databaza e Geekbench hedh dritë veçanërisht mbi një telefon me emrin e koduar Nokia D1C.

Funksionon me Android 7.0 Nougat dhe karakterizohet nga procesor Qualcomm Snapdragon 430 me 3GB RAM dhe mësojmë se Nokia do të fillojë rrugëtimin me një telefon të rangut të mesëm.

Dy telefonë të tjerë të rangut të lartë gjithashtu janë vënë re me ekran 5.2 inç dhe 5.5 inç dhe kamera 22.6 megapiksel. Raportohet se metali do të jetë materiali përbërë ndërsa rezistenca ndaj ujit dhe pluhurit janë një tjetër veçori.

Nuk ka një datë të saktë se kur telefonët e parë Nokia do të dalin në shitje por janë premtuar brenda 2016-tës. (PCWorld Albanian)

The post Nokia rikthehet në industrinë e harduerit mobil me telefonin Nokia D1C appeared first on PCWorld Albanian.

Gjigandi i motorit të kërkimit në pronësi të Alphabet, Google, pritet të prezantojë gjatë ditës së sotme në orën lokale 18:00 dy telefonë të rinj të cilët janë përpjekja më e fundit e kompanisë për të shitur harduerë me markën e Google dhe sfiduar Apple njëkohësisht.

Analistët besojnë se evenimenti i ditës së sotme do të zbulojë iniciativa të tjera në botën e harduerin si sistemi Google Home dhe një paisje të realitetit virtual.

Por janë telefonët Pixel ata që më së shumti ngjallin kureshtjen e konsumatorëve, paisje të cilat do të zëvendësojnë linjën Nexus. Këta telefonë janë shitur që nga 2010-ta dhe prodhuar nga kompani të ndryshme në idustrinë e harduerit.

Për shkak se platforma mobile e kompanisë është kaq e përhapur, Google është mëdyshje në konsumatorët duan një telefon të rangut të lartë nga kompania apo një rival i saj.

Telefonët e rinj Pixel pritet të kalojnë koston e 600 dollarëve duke u pozicionuar si konkurrent të drejtpërdrejt të Apple iPhone. (PCWorld Albanian)

The post Google prezanton sot në San Francisco telefonët e rinj Pixel appeared first on PCWorld Albanian.

Në një incident të rrezikshëm, iPhone i një studenti u kap në flakë ndërkohë që ishte në klasë duke hapur një vrimë në xhepin e tij.

Incidenti ndodhi gjatë një leksion ku telefoni tij inteligjent filloi të nxirrte tym. Sipas Darin, bateria ishte shkarikuar dhe nuk ishte në karikim.

Zjarri u fik me mbërritjen e nënpunësve të sigurisë, por për shkak të tymit, studentët u zhvendosën në një klasë tjetër. Fatmirësisht, Darin shpëtoi pa ndonjë dëmtim serioz.

Ky nuk është rasti i vetëm ku një iPhone mori zjarr. Para pak muajsh, një këshilltar me profesion nga Australia përjetoi të njëjtat djegie serioze pasi iPhone i tij mori zjarr në xhep. (PCWorld Albanian)

The post iPhone 6 Plus i bashkohet nismës së Galaxy Note 7-tës, përfshihet nga flakët në xhepin e një përdoruesi appeared first on PCWorld Albanian.

Toyota hodhi hapin e parë në industrinë e robotëve dhe është përpjekja e parë e kompanisë për tu lidhur me konsumatorët përtej makinave. Roboti 10 centimetër quhet Kirobo Mini dhe do të shitet për 392 dollar.

Kompania thotë se ai mund të flasë dhe posedon inteligjencën e një fëmije pesë vjeçar. Madje mund të mësojë shprehi dhe të analizojë gjendjen emocionale me anë të nimikës së fytyrës falë një kamere dhe disa sensorëve të brendshëm.

Nisma më e re nga prodhuesi më i madh në botë i automobilave synon të rivalizojë disa prej rivalëve teknologjikë si Google dhe Apple që po investojnë fuqishëm në inteligjencën artificiale.

Biznesi i kompanisë ka filluar të vuajë që kur drejtuesit e automjeteve po plaken ndërsa gjeneratat e reja shprehin pak interes në blerjen e makinave. Kjo nuk është hera e parë që Toyota kapërcon kufirin e industrisë së makinave. Kompania në fjalë merret me ndërtimin e shtëpive, paisjeve detare deri në atë pikë sa të shesë bar i cili mund të rritet në kushte ekstreme.

Në robotikë përpjekjet e kompanisë datojnë që nga vitet 2000 kur eksperimentoi me një robot i cili luante një vegël muzikore. Së fundit është përqendruar në ndërtimin e robotëve të cilët ndihmojmë njerëzit me probleme shëndetësore. (PCWorld Albanian)

The post Toyota prezantoi robotin 400 dollarësh Kirobo Mini appeared first on PCWorld Albanian.

Facebook u detyrua të kërkonte falje ditën e djeshme pasi në shërbimin e lançuar së fundi të shitblerjeve u ofruan për shitje armë, drogë dhe seks.

Ditën e djeshme gjigandi i rrjetit social lançoi “Marketplace” një vend ku përdoruesit mund të shisnin apo të blinin sende lokalisht që nga veshjet tek shtëpitë.

Ndërtuar për të rivalizuar uebsajtet si eBay dhe Amazon, përdoruesit arritën të shfrytëzojnë një problem teknik dhe të fillonin shitjen e gjërave të jashtëligjshme.

Facebook tha se kishte zbuluar një problem në sistemin e filtrimit të përmbajtjeve i cili nuk kishte qenë funksional përgjatë kohës që ishin publikuar përmbajtje të ndaluara. Rrjeti social premtoi se në pak orë do të pastrojë “Marketplace” nga përmbajtjet të cilat shkelin termat.

Kjo ngjarje ndodhi pas paralajmërimeve të ekspertëve të sigurisë rreth rrezikut që posedonte “Marketplace” në Facebook nxitur nga mungesa e një sistemi pagesash dhe vlerësimesh.

Një nga arsyet kryesore të lançimit të shitblerjes në rrjetin social ishin 450 milion përdoruesit të cilët shfrytëzonin grupet për të blerë dhe shitur sende me vlerë. “Marketplace” debutoi fillimisht në Britani, SHBA, Australi dhe Zelandën e Re. (PCWorld Albanian)

The post Drogë, armë dhe seks ofron sistemi i shitblerjes në Facebook në orët e para të funksionimit appeared first on PCWorld Albanian.