Aplikacioni i komunikimit WhatsApp po paiset me disa veçori të stilit të Snapchat duke ndjekur kështu hapat e aplikacioneve të tjera të Facebook.

Kompania sapo lançoi disa veçori të reja për fotot dhe videot e realizuara nga funksionaliteti i integrua ri kamerës. Një prej tyre është mundësia për të vizatuar mbi fotot dhe video e madje mund të shtoni edhe emoji.

Ky përditësim pritej të sillte disa vegla të reja editimi për video të disponueshme për fotot si prerja apo rrotullimi. Por ja që ky nuk është rasti i duhur.

Funksionalitetet e reja të vizatimit dhe emoji në WhatsApp vinë si pjesë e një trendi të Facebook për të kopjuar pikërisht atë çfarë e bënte popullor Snapchatin. Pothuajse një vit më parë këto erdhën në aplikacionin Facebook për Android dhe iOS.

Kamera e WhatsApp tashmë do të mbështetë ndriçimin frontal që do të thotë se ekrani do të shkëlqyejë në momentin e shkrepjes së fotos. Videot do të mund të zmadhohen dhe cilësia e tyre do të varet nga potenciali i kamerës. Gjithashtu duke prekur dyherë mbi ekran do të kalohet nga kamera frontale në atë të pasme dhe anasjelltas.

Veçoritë e reja janë të disponushme në Android ndërsa paisjet iOS do ti marrin në javët në vijim (PCWorld Albanian)

The post WhatsApp shton veçori të reja të stilit Snapchat në aplikacionin Android appeared first on PCWorld Albanian.

Publikuar fillimisht në Gameworld.al

Pokemon Go vijon lançimin në mbarë botën. Më 29 Shtator kompania njoftoi se loja e famshme do të mbërrijë në 11 shtete të reja dhe kështu ka ndodhur ku në mesin e tyre është edhe Shqipëria.

Duke filluar nga dita e sotme loja është e disponueshme në: Shqipëri, Bosnie Hergovinë, Makau, Maqedoni, Serbi, Kazakistan, Kirgistan, Taxhikistan, Turkmenistan, Uzbekistan dhe Mongoli.

Në të gjitha rajonet loja mund të shkarkohet përmes Apple iTunes ose Google Play. Gjatë muajit Korrik kur debutoi, loja theu rekorde duke rezultuar aplikacioni më i shkarkuar në histori brenda një jave.

Sipas disa raporteve loja sjell 2 milion dollar të ardhura çdo ditë. (PCWorld Albanian)

The post Loja e famshme Pokemon Go mbërrin në Shqipëri appeared first on PCWorld Albanian.

Ashtu siç pritej Google zbuloi telefonët e shumëpritur Pixel të cilët shënojnë përpjekjen e parë serioze të kompanisë në industrinë e harduerit duke shtrirë tentakulat përtej softuerit.

Kompania prezantoi dy telefonë të rangut të lartë: Pixel me ekran 5 inç dhe Pixel XL me ekran 5.5 inç. Porositë fillojnë nga dita e sotme me çmim fillestar prej 649 dollar, kosto disaherë më e lartë sesa ajo e telefonëve Nexus.

Telefonët janë versioni i madh dhe i vogël i po të njëjtit dizajn. Trupi prej alumini shoqërohet nga një panel xhami në pjesën e pasme. Ky panel mbulon 1/3 e hapësirës duke rrethuar kameren dhe skanerin e shenjave të gishtërinjve.

Google thotë se është vetë zhvilluesi i telefonëve por falë dokumenteve të Komisionit Federal Tregtar Amerikan dihet se prodhuesi është HTC, telefonë që ngjajnë së shumti me HTC A9 dhe HTC Desire 10.

Diferencat kryesore të telefonëve janë në madhësinë dhe rezolucionin e ekranit dhe baterinë. Konkretisht, Pixel ka ekran 5 inç AMOLED me rezolucion 1080p dhe bateri 2,770 mAh ndërsa Pixel XL ka ekran 5.5 inç me rezolucion 1440p AMOLED dhe bateri 3,450 mAh.

Pixel dhe Pixel XL fuqizohen nga procesori i ri Snapdragon 821 i Qualcomm, i cili nuk përbën diferencë të madh përveçse një frekuencë më e lartë, nga 2.15 Ghz në 2.4 Ghz për bërthamë. Dy telefonët kanë 4GB RAM, kamera të pasme 12 megapiksel, kamera frontale 8 megapiksel, skaner të shenjave të gishtërinjve dhe portë USB-C.

Google është në kontroll të plotë të softuerit të telefonëve, andaj prisni përditësime të shpejta si në linjën Nexus. Linja Pixel do të shënojë në të njëjtën kohë një rritje të softuerëve eskluziv si një lançues të ri, ikona të rrumbullakëta, gjeste me prekje e shumë të tjera.

Telefonët janë funksional me çdo operator dhe rajon dhe mund ti blini drejtpërdrejt nga Google. Janë të disponueshëm në tre ngjyra: blu, argjendtë dhe zezë. (PCWorld Albanian)

The post Google zyrtarizon telefonët e shumpritur: Pixel dhe Pixel XL appeared first on PCWorld Albanian.

Volkswagen I.D, një koncept i automobilave të së ardhmes, u zbulua gjatë shfaqes Paris Motor pak ditë më parë. Përtej imazheve reale të automjetit, Volkswagen zbuloi një video të shkurtër rreth makinës e cila ngjan me një fantashkencë të vërtetë.

Në fillim të videos një femër takon një makinë me sistem vetëdrejtimi dhe dyert hapen menjëherë. Gruaja merr drejtimin e makinës për një fare kohe dhe pasi shtyp mbi logon e Volkswagen mbi timon menjëherë aktivizohet sistemi i vetëdrejtimit.

Në këtë moment personi përfiton dhe fillon të lexojë mesazhe e të rehatohet mbi ndenjësen. Ky vizion është i ngjashëm me çfarë kemi parë gjer më sot nga Uber dhe Google.

Volkswagen I.D pritet të godasë rrugët në 2020-tën, vetëm katër vite më pas. Në një farë mënyrë koncepti dhe videoja kërkojnë të lënë pas skandalin Dieselgate i cili tronditi besueshmërinë tek gjigandi gjerman i prodhimit të automobilave. (PCWorld Albanian)

The post Volkswagen premton makinën e së ardhmes brenda 2020-tës appeared first on PCWorld Albanian.

Shitjet e tabletëve iPad nuk janë aty ku duhet të ishin. Me debutimin e iPad Pro 12.9 inç dhe iPAd Pro 9.7 inç, është mëse e qartë e ardhmja e iPad dedikuar profesionistëve.

Raportohet se Apple është duke konsideruar lançimin e një modeli tjetër të linjës Pro, me ekran 7.9 inç ndërsa modeli 9.7 inç të zëvendësohet nga një 10.1 inç shkruan një blog japonez dedikuar produkteve të Apple.

iPad Mini Pro do të ketë të gjitha funksionet të cilat e bëjnë një tablet të vërtetë për profesionistët që nga ekrani me teknologjinë “True Tone” tek konektori magnetik për lidhjen e aksesorëve, kamera 12 megapiksel dhe katër mikrofonët.

Përditësimi i fundit i iPad Mini ka qenë modeli Mini 4 në 2015-tën. Ndërkaq modeli 10.1 inç me shumë gjasa do të paiset me ekran me rezolucion më të lartë sesi 9.7 inç. Dhe më e rëndësishmja, të gjitha modele e reja iPad Pro do të ruajnë portën 3.5 mm të kufjeve. Sipas blogut japonez, paisjet e reja vinë në 2017-tën. (PCWorld Albanian)

The post Apple do të prezantojë një anëtar të ri të familjes “Pro” të iPad, modelin 7.9 inç appeared first on PCWorld Albanian.

4chan, boardi famëkeq i mesazheve, po lufton me vështirësi për të qëndruar në biznes dhe do ti duhet që të bëjë ndryshime për të reduktuar kostot. “4chan tani nuk mundet që të paguaj për kostot e infrastrukturës, faturat e rrjetit, kostot e serverëve, etj,”  tha Hiroyuki Nisimura, i cili bleu sajtin vitin e kaluar nga themeluesit.

Nisimura thotë që reklamat nuk kanë qenë efektive sa duhet  për të mbështetur sajtin, dhe as nuk kanë qenë abonimet që ofrojnë funksionalitete shtesë. “Ne provuam ta mbanin 4chan siç është. Por un dështova,” shkruan Nisimura. “Më vjen sinqerisht keq.”

Ka tri zgjedhje për 4chan që të mbijetojë, sipas perspektives të Nisimura: të shiten më shumë abonime, të përfshihen “shumë më shumë” reklama dhe potencialisht edhe keqdashëse, dhe shkurtim trafikut në sajt. Kjo mund të realizohet duke mbyllur bordet e mesazheve, duke ngadalësuar sajtin, ose duke reduktuar madhësinë e imazheve që mund të postohen .

Këto ndryshime mund të kenë një ndryshim real në kulturën e sajtit. 4chan është i njohur si stërgjyshi meme-ve të panumërta, por gjithashtu si vend racizmi, seksizmi, dhe i diskutimeve shumë fyese. Kohët e fundit, sajti ka qenë i lidhur me fushatën Gamegate me fokus parësor ngacmimin online të femrave, dhe publikimin e fotove nudo të aktoreve.

Ndërkohë një emër tjetër famëkeq – Martin Shkreli – thotë se ai është i interesuar që të blejë 4chan; ai është në kontakte me Nisimura, kështu që ndoshta ne mund të se çfarë do të jetë rezultati i këtij kombinimi të jashtëzakonshëm. (PCWorld Albanian)

The post 4Chan në krizë, Martin Shkreli i interesuar për blerjen e tij appeared first on PCWorld Albanian.

Vitin e kaluar Google lançoi routerin Wi-Fi OnHub dhe këtë viti kompania ka një ofertë të re. Pika e re e aksesit përfaqësohet nga një cilindër në ngjyrë të bardhë. Tipari kryesor janë rrjetet mesh që do të thotë se rrjeti dhe mbulimi zgjerohen sa më shumë njësi të shtohen.

Automatikisht përzgjedh kanalet më të mira për cilësinë më të lartë të transmetimit. Një i tillë kushton 129 dollar ose mund të blini tre për vetëm 299 dollar. Porositë fillojnë në Nëntor dhe shitjet në Dhjetor.

Nëse doni të jeni prej komsumatorëve të parë atëherë bashkojuni kësaj liste pritjeje. Në aspaktin teknik, routeri është një paisje me certifikimin 802.11ac dhe operon në frekuencat 2.4 Ghz dhe 5Ghz me katër antena.

Në teori routeri Google Wi-Fi ofron shpejtësi transmetimi prej 900 Mbps në 5 Ghz dhe 300 Mbps në 2.4 Ghz. Ka dy porta interneti me kapacitet Gigabit. Në të njëjtën kohë zotëron goxha fuqi kompjuterike falë procesori katër bërthamësh, 512MB RAM dhe 4GB flash. (PCWorld Albanian)

The post Google Wi-Fi, përpjekja e dytë e Google në industrinë e paisjeve të rrjetit appeared first on PCWorld Albanian.

Google prezantoi një linjë të tërë produktesh ditën e djeshme dhe një prej tyre është rival i drejtpërdrejtë i kutisë Amazon Echo. Quhet Google Home dhe përmban të gjithë teknologjisë e komandave të zërit të zhvilluar nga gjigandi i motorit të kërkimit gjer më sot.

Produkti 129 dollarësh, Google Home, u përgjigjet pyetjeve, kontrollon paisjet inteligjente dhe luan muzikë. Funksionon njëlloj si asistenti dixhital në telefonët Android dhe aktivizohet me komandën “Ok Google.”

Google Home është produkti i dytë, pas Google Allo, i cili sjell asistentin dixhital të Google. Asistenti në fjalë është një teknologji e re e riorganizuar për të funksionuar më shumë me si një robot komunikimi.

Së shpejti do të jetë i disponueshëm në të gjitha platformat dhe produktet e Google, që nga Android Wear 2.0 tek telefonët Pixel. (PCWorld Albanian)

The post Google hedh hapat e parë drejt internetit të gjërave me asistentin Google Home appeared first on PCWorld Albanian.

Muajin e kaluar versioni më i fundi i sistemit operativ të Microsoft, Windows, humbi territor për hetë të parë që nga debutimi një vit më parë.

Sipas informacioneve që vinë nga Net Applications, Windows 10 humbi 0.5 pikë përqindjeje gjatë Shtatorit duke rënë në 22.5 %. Ndërsa në botën e Windows, sistemi operativ zotëron 24.8%.

Kjo rënie erdhi menjëherë pas një rritjeje të bujshme gjatë muajit Gushti me 1.9% nxitur nga përfundimi i ofertës falas të Windows 10-tës më 29 Korrik. StatCounter tregon të njëjtën situatë por një rënie relativisht më të ulët sesa raporton Net Applications.

Në një farë mënyrë Microsoft e kishte parashikuar këtë ditë pasi raportoi përgjatë Qershorit dhe Korrik, rënie të ritmit të rritjes duke vënë në dyshim objektivat për 1 miliard paisje me Windows 10 brenda 2018-tës. (PCWorld Albanian)

The post Windows 10-ta humbet pjesë tregu gjatë Shtatorit appeared first on PCWorld Albanian.

Enkripimi fundor, një nga nivelet më të larta të sigurisë, u premtua nga Facebook në aplikacionin Messenger që nga Korriku dhe së fundi ka filluar të bëhet i disponueshëm për të gjithë.

Një burim konfirmoi për Wired se bisedat e reja sekrete janë të disponueshme për 900 milion përdoruesit e shërbimit. Por enkriptimi fundor nuk aktivizohet vetvetiu por duhet ta bëni ju dhe madje për çdo bisedë.

Nëse dëshironi të filloni një bisedë të enkriptuar ndiqni këto hapa:

1. Klikoni mbi ikonën e bisedës në skajin lartë djathatas.
2. Klikoni opsionin “Secret”
3. Përzgjidhni marrësin dhe filloni bisedën

Nëse dëshironi të aktivizoni enkriptimin fundor në një bisedë aktive ndiqni këto hapa:

1. Hapni fushën e bisedës
2. Klikoni mbi emrin e bashkëfolësit në krye të ekranit
3. Klikoni “Secret Conversation”

Nëse akoma nuk i shikoni këto opsione do të thotë se bashkëfolësi nuk ka të instaluar versionin më të fundit të Messenger. Në mënyrë që bisedat sekrete të funksionojnë duhet shkarkuar versioni i fundit.

Duhet të dini se bisedat sekrete nuk lejojnë dërgimin e imazheve GIF dhe videove por mund të ndani foto dhe sticker-a. Së fundi, bisedat e enkriptuara mund ti shikoni vetëm nga paisja ku është aktivizuar enkriptimi. (PCWorld Albanian)

The post Ja sesi të aktivizoni enkriptimin fundor në aplikacionin Facebook Messenger appeared first on PCWorld Albanian.

Motorola ka publikuar një listë të plotë të 15 telefonave që janë të përshtatshëm për tu përditësuar me Android 7.0 Nougat, versioni më i fundit Android i zyrtarizuar nga Google.

Nëse ju e keni blerë një pajisje Motorola përgjatë vitit të kaluar atëherë ka shumë mundësi që pajisja juaj do të jetë në plan për një përditësim, por Android Central vë në dukje se ka disa përjashtime në këtë plan.

Ndërkohë që telefonat si Moto X Pure Edition dhe X Play, të vitit të kaluar, gjenden në listë, të tjerë si Moto G(2015) dhe Moto E3 Power nuk do të përditësohen.

Motorola po planifikon të fillojë përditësimet me Nougat në një kohë të mëvonshme të këtij çerek viti, dhe Moto Z dhe Moto G4 do të jenë pajisjet e para që do të përditësohen. Ja ku është lista e plotë:

1. Moto G (4th Gen)
2. Moto G Plus (4th Gen)
3. Moto G Play (4th Gen)
4. Moto X Pure Edition (3rd Gen)
5. Moto X Style
6. Moto X Play
7. Moto X Force
8. Droid Turbo 2
9. Droid Maxx 2
10. Moto Z
11. Moto Z Droid
12. Moto Z Force Droid
13. Moto Z Play
14. Moto Z Play Droid
15. Nexus 6

The post Motorola publikoi listën e 15 telefonëve që do të kalojnë në Android 7.0 Nougat appeared first on PCWorld Albanian.

Dita e djeshme ishte një shfaqje e vërtetë e ekstravagancës së produkteve të Google dhe më i fundit i prezantuar ishte paisja e realitetit virtual DayDream. Paisja del në shitje në Nëntor dhe kushton 79 dollar.

Ashtu siç Google Cardboard dhe Gear VR, DayDream View është i padobishëm pa një telefon inteligjent. Janë ekrani i një telefoni inteligjent dhe hardueri kompjuterik i cili bën të mundur eksperiencën e realitetit virtual.

Por ndryshe nga Gear VR, Daydream View është pothuajse një paisje “boshe.” Ajo që duam të themi është se DayDream funksionon ndryshe nga Gear VR. Ndërsa ky i fundit shfrytëzon disa sensor dhe butonë specifikë të telefonit, Google beson se janë sensorët që duhet të kryejnë punën për paisjen.

Duke shfrytëzuar telefonin për të prodhuar fuqi kompjuterike për paisjen e realitetit virtual do të thotë se eksperienca do të jetë më e mirë në çmim të ulët. Daydream View dhe kontrollerët kushtojnë vetëm 79 dollar.

Mbeten për tu specifikuar telefonët të cilët do të jenë kompatibël me paisjen dhe jemi të bindur se Pixel dhe Pixel XL janë ndër të parët. Së bashku me DayDream View, Google po lançon edhe një version VR të Google Play Store. Kompania tha se mbi 50 partnerë pritet të lançojnë aplikacionet e tyre për DayDream. (PCWorld Albanian)

The post DayDream VR, realiteti virtual i Google kushton vetëm 79 dollar appeared first on PCWorld Albanian.

Johnson&Johnson i ka thënë njerëzve që po përdorin një nga pompat e tyre të insulinës se ka një dobësi në sigurinë e pajisjes që mund të lejojë një haker që marrë kontroll të pompës dhe ta bëjë pajisjen që të dërgojë një mbidozë insuline.

Një mbidozë insuline mund të jetë fatale. Pavarësisht nga dobësitë dhe rreziku i vdekjes nëse shfrytëzohet dobësia, Johnson & Johnson thotë se rreziku  për përdoruesit e pompës është shumë i ulët.

Ekspertët thonë se kjo është hera e parë që një prodhues ka dërguar një paralajmërim të tillë tek pacientët përreth një dobësie sigurie në pajisjet mjekësore. Kompania i ka thënë Reuters se nuk është në dijeni për ndonjë tentative hack-imi të pompës në këtë kohë, por ka vendosur që ti paralajmërojë përdoruesit dhe ti këshillojë që ta rregullojnë problemin.

Pompa në fjalë është Animas OneTouch Ping që debutoi në 2008 dhe shitet me një kontrollues  të jashtëm pa kabllo që përdoret për të kontrolluar pompën. Arsyeja për kontrolluesin është që të lejojë për përdorim më të lehtë të pompës, e cila vendoset zakonisht nën rroba dhe mundë të jetë paska e turpshme që të arrihet kur është nevoja që të përdoret. (PCWorld Albanian)

The post Paralajmërohen diabetikët rreth një dobësie sigurie e zbuluar në një pompë insuline appeared first on PCWorld Albanian.

Ajo që të gjithë kishin frikë ndodhi sepse Google zyrtarisht ka tërhequr nga shitja telefonët Nexus 5X dhe 6P. Pak orë pas debutimit të telefonëve të rinj Pixel dhe Pixel XL të cilët dolën në shitje menjëherë, Google mori masa ndaj telefonëve Nexus.

A do të ketë më produkte Nexus? Mbase një tablet i vogël prodhuar nga Huawei? Përgjigja është jo. Google e bëri të qartë mbrëmjen e kaluar se nuk ka planifikuar lançimin e produkteve të reja Nexus.

Pavarësisht se telefonët janë hequr nga nga dyqani online i Google, ata do të vijojnë në shitet nga distributorë të ndryshëm bazuar në stokun e ngelur. Në të njëjtën kohë ngelet një mister e ardhmja e tyre se a do të përditësohen apo jo? (PCWorld Albanian)

The post Fundi një epoke, Nexus 5X dhe 6P tërhiqen nga dyqani online i Google appeared first on PCWorld Albanian.

Sikur të mos mjaftonte hakimi i 500 milion llogarive në 2014-tën, informacione të reja se Yahoo në mënyrë të fshehtë ka përgjuar konsumatorët e saj për llogari të inteligjencës Amerikane mund të dëmtojnë akoma më shumë reputacionin e pionerit të internetit.

Një raport i agjensisë së lajmeve Reuters, i konfirmuar nga tre ish punojës, thotë se Yahoo ka skanuar miliona llogari në Yahoo Mail për Agjensinë Kombëtare të Sigurisë dhe Byronë Federale të Hetimit (FBI).

Kjo përfaqëson herën e parë kur një kompani teknologjike amerikane arrin akordin me autoritetet amerikane për të përgjuar konsumatorët e saj. Reuters nuk kishte zbuluar se për çfarë informacionesh bëhej fjalë dhe nëse autoritetet kishin patur marrëveshje të ngjashme me kompani të tjera.

Sipas dy ish punojësve, vendimi i shefes ekzekutive Marissa Mayer për të përkrahur përgjimin e konsumatorëve rezultoi me largimin nga pozita e shefit të sigurisë të Yahoo Alex Stamos në 2015-tën. As Yahoo se as ky i fundit nuk pranuan të komentonin ngjarjen.

Besohet se kërkesa për të marrë informacion nga llogaritë e Yahoo erdhi në formën e një dekreti dërguar zyrës ligjore të kompanisë. Kompanitë celulare dhe ISP-të janë shquar në të kaluarën për ofrimin e informacioneve të ngjashme për agjensitë e inteligjencës.

Por disa zyrtarë të lartë të qeverisë thanë se kurrë më parë nuk kishte dëgjuar që një akord i tillë të arrihej me një kompani si Yahoo. (PCWorld Albanian)

The post Yahoo përfshihet nga një tjetër skandal, përgjon përdoruesit për llogari të NSA-së appeared first on PCWorld Albanian.

Shpërthimet e baterive të Galaxy Note 7-tës nuk kanë të mbaruar. Sipas një raporti nga The Verge, udhëtarët e një fluturimi të Southwest Airlines në Shtetet e Bashkuara u evakuan në momentin që telefoni Samsung i një udhëtari mori flakë në xhepin e tij.

Dhe për ta përkeqësuar situatën, telefoni nuk ishte prej modeleve që supozohen të jenë problematike. Ishte një model i ri i zëvendësuar nga operatori AT&T vetëm një javë më parë.

Aeroplani ishte akoma tek porta kur u përfshi nga flakët dhe të gjithë pasagjerët u evakuan pa asnjë dëmtim. Ky rast i bashkohet atyre të iPhone 7 dhe iPhone 6 Plus të cilët shpërthyen në flakë gjatë javës. Por rasti i Samsung nuk është thjesht një ngjarje sporadike sepse kemi të bëjmë me një tërheqje nga tregu të 2.5 milion njësive.

Pasagjeri tha se e kishte blerë telefonin e ri më 21 Shtator. (PCWorld Albanian)

The post Ankthi vijon ndërsa një tjetër Galaxy Note 7 i zëvendësuar shpërthen gjatë një fluturimi ajror appeared first on PCWorld Albanian.

Nokia sinjalizoi ditën e djeshme një të ardhme të kompanisë dedikuar infrastrukturës së rrjeteve e veçanërisht asaj 5G me blerjen e ETA Devices, një startup i vogël amerikan i specializuar në efikasitetin e stacioneve të transmetimit.

Me një staf prej 20 vetësh, pjesën më të madhe të hulumtimeve dhe zhvillimit e realizojnë në kryeqytetin Suedez të Stockholm. Nokia tha se prej kohësh e kishte pritur këtë blerje e cila do të ndihmonte kompaninë në rritjen e efikasitetit të stacioneve, një faktor shumë i rëndësishëm kur flasim për 4.9G dhe 5G-në.

ETA thotë se teknologjia e saj redukton në mënyrë drastike shpërdorimin e nxehtësisë së gjeneruar me anë të një amplifikuesi i cili funksion si një kuti e automatizuar marshesh duke prodhuar energji sipas nevojave.

Kjo teknologji thuhet se rrit efikasitetin e baterive me 50% e jo vetëm të stacioneve por edhe telefonëve inteligjent. Sipas Nokia kjo teknologji vetëm që do ta ndihmojmë kompaninë të kursejë në energji por edhe të përmbushë objektivat e zero emëtimeve të karbonit në atmosferë. (PCWorld Albanian)

The post Nokia përgatitet për 5G-në, blen startupin ETA Devices appeared first on PCWorld Albanian.

Twitter kishte lajmëruar të interesuarit për blerjen e rrjetit social se dëshiron të mbyllë negociatat e shitjes përpara datës 27 Tetor. Kjo axhendë ambicioze është një indikator qartësues për të ardhmen e kompanisë për punojësit dhe investitorët.

Në mesin e blerësve potencial janë Salesforce dhe Google por edhe Walt Disney ka shprehur interes. Një blerje nga Salesforce do të thotë se vëmendja e Twitter do të shkojë përkah shërbimet konsumatore të komunikimit dhe ato të inteligjencës së biznesit.

Rrjeti social Twitter prej mëse 2 vitesh ka vuajtur me rritjen e të ardhurave pavarësisht se numëron 313 milion përdorues aktivë në muaj. Kompania nuk arriti parashikimet e Wall Street përgjatë gjashtë mujorit të parë të 2016-tës.

Në të njëjtën kohë e ka patur të pamundur të ruajë ritmin e rivalëve si Instagram dhe Snapchat. Në 2013-tën aksionet e kompanisë vlerësoheshin me 74 dollar e që nga ajo periudhë kanë qenë në rënie të vazhdueshme. (PCWorld Albanian)

The post Twitter pritet të finalizojë shitjen më 27 Tetor appeared first on PCWorld Albanian.

Në 2010-tën një hulumtues i Intel tha se procesori 1,000 bërthamësh edhe mund të ishte i mundur. Atë kohë një garë e fuqishme mori jetë në përpjekje për të rritur efikasitetin dhe shpejtësinë e njësive të përpunimit të të dhënave, procesorëve.

Mega procesori më i fundi është një me 1,024 bërthama quajtur Epiphany V dhe u prezantua ditën e mërkure nga Adapteva. Kjo kompani pretendon se procesori mund të sfidojë çdo procesor serverash aktualisht në treg.

Ka 24 bërthama më shumë se mega procesori 1,000 bërthamësh KiloCore, një çip ndërtuar për qëllime testimi në Universitetin e Kalifornisë.

Epiphany V nuk është ndërtuar për video lojëra por për përpunimin në kohë reale të imazheve, sistemet e automatizuara dhe inteligjencën artificiale. Është i bazuar në arkitekturën 15 nanometër të TSMC dhe do të dalë në shitje falë bashkëpunimit të Adapteva me disa partnerë.

Zhvillimi i tij është financuar nga Agjensia e Hulumtimit të Projekteve të Avancuara pranë departamentit Amerikan të Mbrojtjes. Ndërtimi në masë i tij mund të jetë një sfidë tjetër më vehte për kompaninë. (PCWorld Albanian)

The post Adapteva Epiphany V, një mega procesor 1,024 bërthamësh appeared first on PCWorld Albanian.

Ndërsa Wikileaks mbush 10 vite, themeluesi Julian Assange foli për një listë organizatash të cilat do të jenë shënjestra në publikimet e ardhshme. E një prej lojtarëve gjeopolitkë ishte Google.

Ngelen një enigmë dokumentet dhe të dhënat që kanë të bëjnë me gjigandin e motorit të kërkimit. E megjithatë nuk është një surprizë të mësojmë se Google është shënjestra e radhës.

Prej kohësh Assange e ka kritikuar mënyrën e të funksionuarit të Google e cila sipas tij ngjan me një organizatë politike me influencë globale. Ky këndvështrim i Assange filloi kur ai takoi shefin e Google, Eric Schmidt.

Ai hodhi tezën se Google ka lidhje të afërta me SHBA-në dhe politikën e saj ndërkombëtare. Që atëherë Google është shndërruar në një inkubator teknologjik prej të cilit burojnë zgjidhjet e sfidave globale përmes teknologjisë.

Të paktën dy vitet e fundit aktiviteti i Google ka qenë shënjestër edhe e autoriteve Europiane kryesisht me krijimin e një monopoli të quajtur Android. (PCWorld Albanian)

The post Shënjestra e radhës e WikiLeaks: Google appeared first on PCWorld Albanian.